不存在的愛人 
終於都考完哂試喇 有少少虛脫的感覺~ 我真係幾佩服我個腦, 話拒絕接收訊息就拒絕接收訊息 我叫佢挨多陣, 溫多陣都唔得 有時真係覺得身體好似唔屬於我................................. 最近身體真係差左好多, 要藉住呢段時間好好休息 好多人都病病地咁, 我真係唔可以俾自己病! 希望有病既人早日康復, 亦希望周柏豪對眼快D 好番 佢媽媽同佢講"如果你要一個新的角膜 我會給你的"真係好感動 我知道如果我有事, 我媽媽, 爸爸甚至係家姐都會咁講 所以如果佢地有咩事, 我就算犧牲我自己我都要保護佢地 講到呢度我又想喊, 但係我唔可以喊, 因為流淚只是軟弱的表現 我成日都會留意HK 既新聞, 有時見到有中年婦人被車撞到我都會擔心會唔會係媽媽 其實就算係o靚模口交轉運案, 我都會諗果個會唔會係家姐 我家姐係o靚模嗎? 我都唔知呀........................................ 其實我同佢九十年代一齊影過South China Morning Post full page 所以或者我地係老模, 比o靚模早咗十年出道, 有時我都會咁講黎笑吓 我就玩啫, 但係家姐佢間中仲有接job, 最近幫英皇補習社拍咗個短短的廣告 諗番起以前如果同媽媽同家姐鬧交, 我就會bless 家姐快D 生個仔出黎, 叫老佢地 其實我都幾衰, 如果唔係都唔會有人叫我衰人浩 我一向都係做奸妃既角色, 有時我都唔知我心腸係唔係真係咁壞 例如搭地鐵如果有人衝入車爭位坐, 我就好想同佢地講"坐啦坐啦, 睇怕你都唔坐得幾多次" 都已經係以前既事喇................................................................ 或者係我鍾意既人迫我從良啦 雖然我成日話佢不停咁變. 但係其實我都係不停咁改變緊 呢個話題有少少敏感, 所以我講埋今次算喇, 或者係第一次講 =_=" 其實我一直都唔反對同性戀, 但係有時都覺得同性戀在街上會有礙觀瞻 如果你問我係唔係同性戀, 我都唔知應該點答你, 因為其實我幾討厭男人 對於冇工作能力既女人, 男人會話"女人就係女人~" 但係對有工作能力既女人, 佢地就會話"咁仲係女人黎既?!!" 我只係鍾意佢個人, 如果佢係女仔就好喇, 但佢唔係, 真可惜! "我唔覺得有問題wor, 如果你覺得有問題, 咁個問題就係你" 放假真係好, 唔駛再跑黎跑去追skytrain 同巴士 [其實我覺得我跑得快咗^^] 又唔駛再擔心有咩野就黎到deadline 或者我係佛教徒啦, 已經慣咗臨急抱佛腳 但係放假最開心都係我將會跟大師兄遊覽AB 省同BC 省 如果可以, 我會拍攝一輯<<加國風情畫>> | 
/
